(১)
অনুভৱী কৰি তোলা,
জোনাকৰ এজাক বৰষুণত,
তুমি তুমি লগা
এজনী চঞ্চল পখিলাৰ প্ৰেমত পৰিম,
সপোনৰ বুকুত তোমাৰ ঠিকনাটিক বিচাৰিম,
আৰু
শেৱালীৰ দৰেই
তোমাৰ নীলা দুচকুত সুবাস হৈ ফুলিম ।
~দিপাংকৰ ভাগৱতী
(২)
কণমাণি সপোনটোৱে হাত বাউলি দি মাতিব,
হৃদয়ৰ কোণত হেঁপাহবোৰে পাহি মেলিব,
দুচকুত ভাঁহি উঠিব,
মিঠা সপোনৰ খেলা ধূলা,
নিলাজ পক্ষী হৈ মনটো উৰি যাব তোমাৰ কাষলৈ ।
-শিল্পী নেওগ
(৩)
মনত পৰিছে জানা;
মোৰ নীলচূড়াৰ স্বপ্ন কুঠৰীত বহি,
তোমাৰ বাবে নিগৰোৱা প্ৰতিটো নীল কবিতা,
মই গাইছিলোঁ,
নীল সপোন ৰচি তুমি যে শুনিছিলা !!
~নয়নজ্যোতি_শইকীয়া
(৪)
বৰষুণজাক দিলেই তোমালৈ
বৰকৈ মনত পৰে,
ক'ত যে সপোন দেখিছিলো
তুমি মই মিলি এক হোৱাৰ!!
চোৱাচোন!!নিয়তিৰ কি নিষ্ঠুৰ পৰিহাস!!
কলিতেই মৰহি গ'ল আমাৰ সপোনৰ ফুলপাহ।।
~ প্ৰিয়াংকী দত্ত
(৫)
এৰা আশাবোৰো ঠিক বৰষুণৰ টোপালৰ দৰে ।
যাক পোৱাৰ ইচ্ছাৰে দুহাত পাতি ধৰিলেও টোপালৰ আকাৰে পাব নোৱাৰি .... !
দুহাত তিতি যাব, কিন্তু হেঁপাহ নপলাব..... !!
~ললিতা ব্ৰহ্ম
(৬)
এই আশাৰ বৰষুনৰ টোপালবোৰ
ধৰি ৰাখিবলৈ দুহাত মেলি
সুবিশাল আকাশলৈ উৰি গৈ
সাৱটি ধৰিব মন যায়,
নোৱাৰো যে যাব মোৰ দুখনি
সৰু পাখি,এধানমানি দেহাৰে।।
~নিভা বৰা বৰুৱা
(৭)
শাওনৰ কিন কিনিয়া
বৰষুণ জাক আহিলে তোমালৈ
মনত পৰে,কলেজৰ পৰা
আহোতে দুয়ো যে এটা ছাতিৰ
তলত সোমাই কথা পাতি আহিছিলো।
~ববিতা বৰ্মণ
(৮)
হৃদয়খনিকো এতিয়া আমনি কৰে
অনুভৱৰ অনুভূতিবোৰে,
জোনাকৰ বৰষুণত তোমাৰেই প্ৰেমত পৰিম,
সপোনৰ বুকুত....
তোমাৰ ঠিকনাটিক বিচাৰিম
আৰু
শেৱালীৰ দৰে তোমাৰ দুচকুত
সুৱাস হৈ ফুলিম ।
~দিপাংকৰ ভাগৱতী
