#অনুভৱ:
আপোনাক সুৱঁৰি !
(কবিতা ঠিক নহয় অকনমান অনুভৱ তেখেতৰ বাবে)
আপোনাৰ প্ৰেৰণাতেই...
হাজাৰটা মৰহা কলিও প্ৰাণ পাই উঠিলে,
সেউজীয়া হৈ হাঁহিবলৈ শিকিলে,
সপোনৰ পৃথিৱীত বাস্তৱ ৰচিলে,
ঠিকেই এইয়া মাথো আপোনাৰ বাবেই ।
মিসাইল ম্যান,
সৰুৰে পৰা জীৱনী,লেখা,কবিতা...
আপোনাৰ নাম,ঠিকনা আৰু জন্ম তিথি জনাৰ ইচ্ছা,
আপোনাৰ আদৰ্শ লৈয়ে আমি,
আৰু আমাৰ মৰমবোৰ লৈয়ে আপুনি,
দূৰত্ব আছে বহুখিনি,
আপোনাৰ আৰু আমাৰ মাজত ।
তথাপিও আপোনাৰ ছবিখনে এতিয়াও,
এক যোগাত্মক শক্তিৰ অনুভৱেৰে
উপচায় তোলে আমাৰ বিবেক আত্মা,
হতাশাৰ পৰাও যেন উভতি আহি, জীৱনটোত কিবা কৰাৰ আকাংক্ষাই,
সেউজীয়া হৈ সপোন ৰচে
সেইকাৰণেই
মই কৈছিলো নহয়,
যে......
আপোনাৰ প্ৰেৰণাতেই ,
হাজাৰটা মৰহা কলিও প্ৰাণ পাই উঠিলে,
সেউজীয়া হৈ হাঁহিবলৈ শিকিলে ,
সপোনৰ পৃথিৱীত বাস্তৱ ৰচিলে,
ঠিকেই এইয়া মাথো আপোনাৰ বাবেই ।
Dipankar Bhagabati
