MIDNIGHT POEM //SHORT QUOTE

#01

আহোঁ নাহোকৈ অহা
চিলিমিলি টোপনিবোৰে ৰচা,
সপোনৰ চহৰখনিত,
অপেক্ষাবোৰে  ঠিকনা হেৰুৱায় ।

শীতল ফিৰফিৰিয়া বতাহজাক আহি,
খিৰিকীৰ কাষত আমনি কৰিলেই,
শৰতৰ কুঁৱলীয়েও হৃদয় জুৰায়,
শেৱালীৰ সুবাসত মন মোৰ বাৰে বাৰে পিচলে,
টোপালবোৰে তোমাৰ নামত প্ৰেমৰ কবিতা ৰচে 🥀🥀

✍️ Dipankar Bhagabati

https://www.facebook.com/DipankarBhagabati93/

#02

এবাৰ মোৰ চকুত চকু থৈ তো চোৱা,

প্ৰেমৰ শিহৰণ জাকে তোমাক আমনি নকৰিলে ক'বা,

এবাৰ এই কথোৰ কথোৰ যেন লগা মোৰ অধ্যায়বোৰকে সামৰি,মনৰ কিতাপখনিক টো মেলি চোৱা ,

তেতিয়া দেখিবা .........

তুমি শুকান মৰুভূমি বুলি ভাবি লোৱা মোৰ মনটোৱেও তোমাৰ গুলপীয়া হাঁহিৰ মিঠা পৰষত সেউজীয়া হৈ হাজাৰটা সপোনৰ দিঠকৰ ঠিকনা ৰচে ।

#DipankarBhagabati

#03

প্ৰিয়জনৰ চকুত ভাঁহি উঠা তোমাৰ নামৰ অভিমান,মৰম,ঠেহখিনিক চোৱাৰ বাবেই জানো তুমি অপেক্ষা কৰি নোৰোৱা,

দিনৰ পিছত দিন প্ৰতিদিন ,

প্ৰেমবোৰ এনেকুৱাই ,

বুকু কপাই যোৱা চাৱনীবোৰতেই ,

সপোনত ঠিকনা হেৰুৱায় ।

@Dipankar Bhagabati

#04

"পুৱাৰ শীতল বতাহজাকো কিন্তু বৰ চঞ্চল,

কেতিয়া মোৰ  উশাহবোৰত প্ৰণয়ৰ শিহৰণ তুলি শেৱালীৰ সুবাসত তোমাক বিচাৰি পায় গ'মকেই নাপাওঁ "

@Dipankar Bhagabati

#05

নিসংগতাৰ লগৰী তুমিজনীও এতিয়া হেৰাই গ'লা,

অকলশৰে উচুপি উঠিলে তুমিয়েই টো জোনাক হৈ মোৰ হৃদয়ত সুখবোৰ সিঁচি দিছিলা,

ডাৱৰৰ দৰে আৱৰি ৰখা মোৰ বিষাদবোৰক আতৰাই পেলাইছিলা,

কিন্তু এতিয়া তুমি নাই 

আৰু 

নিসংগতাৰ মাজত 

জোনাকবোৰো যেন,

মোৰ বাবে এতিয়া অন্ধকাৰ সদৃশ ।

@ Dipankar Bhagabati

#06

যাৰ পৰশত সপোন দেখিবলৈ শিকোঁ,

যাৰ পৰশত জীপাল হৈ উঠে এটা নতুন জীৱন,

সপোন,দিঠক, আকাশৰ নীলাবোৰ কেৱল তেওঁৰ বাবেই সম্ভৱ,

তেওঁ আন কোনো নহয়, তেওঁ এগৰাকী নাৰী,

কাৰোবাৰ পত্নী, কাৰোবাৰ মা অথবা কাৰোবাৰ ভন্তি ।

#DipankarBhagabati

ইঞ্জিনিয়াৰিং জীৱনৰ অধ্যায় !

এটি অধ্যায়ৰ সামৰণি,,

যিদিনা প্ৰথমবাৰৰ বাবে কামৰূপ পলিটেকনিকত ভৰি দিছিলোঁ ভবা নাছিলোঁ ইমান আপোন হৈ পৰিব পিছলৈ সকলো,,এষাৰ কথা আছিল যে কলেজীয়া জীৱনৰ যিমানেই স্মৃতি নাথাকক কিয় ... প্ৰকৃত মনপৰষা স্মৃতিবোৰ আমি স্কুলীয়া জীৱনতে এৰি থৈ আহোঁ

,হয়তো আজি মোৰ ক্ষেত্ৰত তাৰ ওলোটা হৈ পৰিল,,,ঘৰৰ পৰা দূৰৈত আন এখন ঘৰ,, কেইজনমান বন্ধুৰ লগত একেলগে থাকি সন্ধিয়া আড্ডা, Assignment আৰু মাজে মাজে কিছুমান বিষয়ক লৈ চৰ্চা, আৰম্ভণিৰ দিনটোত কলেজত গৈয়ে সিধান্ত লৈছিলোঁ শেষৰ বেঞ্চখনতেই বহিম...কাৰণ শেষৰ বেঞ্চখনৰ পৰা গোটেই ক্লাছৰুমটোৰ সৌন্দৰ্য সময়বোৰ দেখিব পাৰি,,,শেষৰ বেঞ্চত বহাৰ অনুভৱখিনিয়ে সুকীয়া ।

প্ৰথম অৱস্থাত সকলো অচিনাকি হৈ আছিলোঁ,, কিন্তু লাহে লাহে আত্মীয়তাবোৰ নিজৰ ভাববোৰ বাঢ়িল,,,তিনিটা বছৰ আজি কেনেকৈ পাৰ হ'ল গ'মকেই নাপালোঁ....আজিৰ এই দিনটোত কিছুমান স্মৃতি লগত লৈ যাম,, ভৱিষ্যতে সুৱৰি হয়তো কেতিয়াবা নষ্টালজিক হৈ আকৌ এটি কবিতাৰে অনুভৱবোৰক ব্যক্ত কৰিম,,,,

Dhritima Ma'am,Sabiha Ma'am,Debahuti Ma'am  ৰ কেইটামান গালি Miss কৰিম,,ক্লাছত দেৰিকৈ সোমোৱাৰ বাবে....😊😊

অৱশ্যে গালিবোৰৰ মাজতো মৰমেই আছিল ,,Pronami Ma'am,Pallabi Ma'am,Kangkana Ma'am,Latika Ma'am,Durlov Sir,Nilakshi Ma'am,Sanskrita ma'am সকলোৰে কথাবোৰ কিন্তু মনত পৰি থাকিব ,,, ইয়াৰ উপৰিও কেইটামান স্মৃতি আৰু আছিল😌

Sabiha ma'am ৰ বাবে এদিন শেষৰ বেঞ্চৰ পৰা আগৰ বেঞ্চত বহিছিলোঁ,,Ujjal,Moi,Rahul,Parag.....For The First Time❤️

Debahuti Ma'am য়ে টো এদিন মোক অকলেই বহিব দিছিল প্ৰথম বেঞ্চখনত🤭🤭

এইবোৰ সৰু সৰু স্মৃতিৰ মাজেৰেই তিনিটা বছৰ পাৰ হ'ল,,,,চলিত তিনিবছৰত যদি লগৰ সমনীয়া,জুনিয়ৰ ভাইটি কেইটাৰ লগতে মৰমৰ আৰু শ্ৰদ্ধাৰ ছাৰ বাইদেউ সকলক যদি Last Bench ত বহি উৎপাত কৰি অশান্তি দিছিলোঁ সকলো ক্ষমা কৰি দিব 😊 আৰু আগলৈও যাতে আপোনালোকৰ আৰ্শীবাদ আৰু লগৰ কেইটাৰ মৰমবোৰ এনেদৰেই থাকে তাৰে কামনা কৰিলোঁ ❤️

তিনিবছৰৰ এটা এটা দিনৰ স্মৃতি মনত ৰাখি যাম,,, কেতিয়াও পাহৰি নাযাব Sir/Ma'am🥺🥺

লগৰ কেইটা সদায় Contact ত থাকিবি,,,

Last Benchers Brothers❤️🤘

সদায় জুই হৈ সাহসত থাকিবা,,

From

Roll No -004

Dipankar Bhagabati😊

Electrical Branch

Assamese Quotes || Dipankar Bhagabati

ONE SIDED LOVE/Dipankar Bhagabati

দীৰ্ঘদিনীয়া এক পৰিক্ৰমাৰ মাজেৰে এটি অপেক্ষাৰ সমাপ্তি ঘটিল আৰু তুমি মই আজি নতুন অধ্যায়ৰ দিশে খোজ ল'লো......আজিৰ দিনটো ডায়েৰীৰ পাতত  সদায়ৰ কাৰণে ৰৈ যাব তোমাৰ আৰু মোৰ ভালপোৱাবোৰৰ সম্পূৰ্ণতাৰ সাক্ষী হৈ.....

আচলতে অনুষ্টুপিয়াকৈ আমাৰ চিনাকী হৈছিল ফেচবুকৰ বুকুত,প্ৰথম চিনাকিতেই তোমাৰ প্ৰেমত পৰিছিলো কিন্তু তোমাক মেচেজত কি ক'ম কি নকম আৰু হাজাৰটা প্ৰশ্নই আবুৰি ধৰাত থমকি ৰৈছিল মোৰ ভাষাবোৰো, তেতিয়া মোৰ প্ৰেমবোৰক বুজি উঠা নাছিলোঁ,,লাহে লাহে তোমাৰ সুখত সুখ বিচাৰিবলৈ শিকিলোঁ, তোমাৰ হাঁহিত নিজৰ সপোনবোৰক কল্পনা কৰি চাইছিলো,,, অৱশ্যে মোৰ প্ৰেমৰ ধাৰণাবোৰ অকনমান সুকীয়া আছিল... প্ৰাপ্তিয়েই টো আৰু প্ৰেম নহয় সেইকাৰণে তোমাক নোকোৱাকৈয়ে ভাল পাই গৈছিলো নিস্বাৰ্থভাৱে, ত্যাগ আৰু মৰমৰ মাজেৰেই বুকুত কথাবোৰ ধৰি ৰাখিছিলো,দুইবছৰৰ আগৰ সেই প্ৰথম মেচেজ কেইটা চাই চাইয়েই পাৰ কৰিছিলোঁ সময়বোৰ,, কেতিয়াবা নষ্টালজিক হৈ পৰিছিলো যদিওঁ আকৌ তোমাৰ ছবিখনকে উলিয়াই চাইছিলো মোবাইলৰ স্কীণত,,মৰম লাগে তোমাৰ ভাললগাখিনি,মৰম লাগে তোমাৰ কাজলসনা চকুজুৰি, তোমাৰ অপেক্ষাত পাৰ কৰা প্ৰতিটো দিনেই এটি এটি কবিতা হৈ উৰি ফুৰিছিল মোৰ চাৰিওফালে, আকাশৰ জোন,তৰা, খিৰিকীৰ কাষৰ বতাহজাক সকলোতে কেৱল তুমি আছিলা মোৰ বাবে এক আধৰুৱা অনুভূতি হৈ,,আজি সেই জোন,তৰাবোৰো হয়তো সাৰে আছে সূদীৰ্ঘ কেইবাবছৰৰ মূৰত,,আজি হয়তো মোৰ ফাগুনৰ বতাহজাকো শীতল হৈ পৰিছে,,জোনাকবোৰেও পোহৰ বিলাইছে.... কিয় জানা ?

আজি যে তুমি মোৰ কাষতে আছা,,মোৰ ভালপোৱাৰ , অপেক্ষাৰ দিনবোৰো আজি নতুন ৰুপ ল'লে মাথো তোমাৰ সান্নিধ্যত,, আচলতে প্ৰেম এনেকুৱাই,,প্ৰকৃত অন্তৰেৰে হয়তো কাৰোবাৰ হৃদয়খনিৰ অপেক্ষা কৰিলে এদিন সেই মধূৰ ক্ষণবোৰো বৰষুণ এজাকৰ দৰে আকৌ উভতি আহে ,,,ঠিক তুমিও মোৰ বাবে আজি এজাক প্ৰেমৰ বৰষুণ হৈ ধৰা দিলা,, জোনাকৰ জোনাকীক সাক্ষী কৰি প্ৰতিশ্ৰুতি মাথো এটাই দিব বিছাৰিম ,....ভাল পাই যাম তোমাক আজীৱন এনেদৰেই,, নিস্বাৰ্থ মনে,পাগল প্ৰেমিকৰ দৰে ।

#Dipankar Bhagabati

@Don't copy/Copyright claim

*Funny Lines* BY Dipankar Bhagabati

Arrange Marriege ত বহা শান্ত শিষ্ট ল'ৰাকেইটা 😂

যেতিয়া ল'ৰা ঘৰৰ পৰা ছোৱালীজনীৰ ঘৰলৈ তাইক চাবলৈ যায়🤭 

▪️ল'ৰাৰ মাক : আমাৰ ল'ৰাতো ইমান অজলা,,জানেনে বিয়নী ইয়াক যে কিমান ক'লো বোলো লগৰ ছোৱালীবোৰক মাতিবি চোন,নাই অজলা তো ক'ৰবাৰ,,স্কুলীয়া দিনৰ পৰা লৈ কলেজীয়া দিনলৈকে এজনী ছোৱালীকো মাতি নেপালে ঘূৰা ফূৰাতো দূৰৰে কথা , একেবাৰে শান্ত শিষ্ট এইটো অকৰাতো ।

▪️মাকৰ কথা শুনি ল'ৰাই মনতে ভাবিছে😂

চাল্লা মই হে জানিছো ,,এদিনত ১০০ জনীক মাত লগোৱাৰ পিছতো কোনেও পাট্টা নিদিলে, কোনোবাই যদি প্ৰথমবাৰতে ব্লক , কোনোবাই আকৌ মেচেজত Hello বুলি এবাৰ লিখি ৰিপ্লাই য়ে নকৰিলে কাহানিও🤭🤭

বোলো কৃষ্ণ 😂😂😂

#Dipankar

.............................................   .............................

ধৈৰ্য কি ?
ভাইটি এটাৰ মাকে কৈছে বোপাই আমাৰ ল'ৰাতো দেখোন পঢ়াত একেবাৰে মন নবহে কিবা অলপ শিকাই দিবাচোন ধৈৰ্য তো আহিলে পঢ়িব পাৰিলে হেতেন ,

▪️মই বোলো ভাইটি এইফালে আহা , তোমাৰ অসুবিধা তো কোৱা ?
#ভাইটি : দাদা মোৰ মানে পঢ়িবলে মন যায় কিন্তু  পঢ়িবলৈ ধৈৰ্য তো নাহে,
▪️আচ্চা এটা কাম কৰা তুমি কেইদিনমান ৰজনীগন্ধা খোৱা কৰা ,, ধৈৰ্য কি বস্তু শিকি যাবা 😌
#ভাইটি : দাদা সেইটো কেনেকৈ ?
▪️২৫ টকা পেকেটৰ ৰজনীগন্ধা মুখত ভৰোৱা পিছত যেতিয়া কোনোবাই তোমাক মাত লগাব তেতিয়া ,,মুখৰ পৰা পেলাবলৈও মন যাব কিন্তু ২৫ টকাৰ কথা মনলৈ আহিলে তুমি পেলাবও নোৱাৰিবা,,
জৰদা,চাধাই মুখ #দাকি  শেষ কৰাৰ পিছতো যেতিয়া তুমি মুখত ভৰাই ৰাখি কথা পাতিবা,,সেইয়াই হৈছে ধৈৰ্য,, Good luck😌

Moral of the story : ডাক্তৰক যদি টেবুল ফেন ভাল কৰিবলৈ লগোৱা হয় কাহিনী এনেকুৱাই হ'ব 😝😝

বোলো কৃষ্ণ 😂😂

#Dipankar

...........................................................................

▪️ জমনি কবিতা

১// এক আছিল কৰুণা কান্ত
আহিছিল ফুৰি সকলো প্ৰান্ত,
নাকে মুখে সোমাই যদিও সি আকৌ বৰ শান্ত,
কেইটামান প্ৰাণীয়ে আকৌ 
তথাপিও ভাবি লয় 
আমাৰহে হেনো ধাৰণা ভ্ৰান্ত ।।

২// ৰ'দজাক এতিয়া কঠোৰ,
একেবাৰে মোৰ কলেজীয়া দিনৰ,
প্ৰেয়সীজনীৰ দৰেই, 
মাঘ বিহুত অভিমান কৰি সেকে,
আৰু বহাগত বুকুতে কপৌপাঁহি গুজি
যেতিয়াই পকেট খালী আনলৈ উৰা মাৰে,
আৰু শেসত হৃদয়খনিক একেবাৰেই
গলাই গলাই জ্বলাই জ্বলাই মাৰে ।
এতিয়া ৰ'দজাকৰ উত্তাপতো 
প্ৰেয়সীলৈকে হে মনত পৰে ।।

৩// পদ্য.কম

তুমি যদি কৰুণা হোৱা মইও হ'ম কঠাল,
তুমি যদি মৰমলগা মইও হ'ম খঙাল ।

তুমি যদি গৰম চাহ মইও কিন্তু পেপচি,
ঘৰতে বহি বহি নাখাবা,
হৈ যাবা কিন্তু থেপেচি ।

তুমি যদি গোলাপ হোৱা মইও পাঁহি ধতুৰাৰ ।
তুমি যদি ৰাণু মণ্ডল মইও হিমেচ ৰেচিয়াৰ ।।

তুমি যদি ডেৰি মিল্ক  মইও ৰজনী গন্ধাৰ,
তুমি যদি হেলিকপ্তাৰ মইও তম তম গাৱলীয়াৰ ।।

তুমি যদি OREO বিস্কুত মই হ'ব পিঠা
তুমি যদি চকলেট খোৱা মইও খাম চাধা ।।
তুমি যদি আলোচনী মই কবিতা 
তুমি যদি উপন্যাস মইয়ে কিন্তু লিখোতা ,🌛

@Dipankar Bhagabati

........................................x.................................

▪️পৰীক্ষাৰ বাবে সাজু ফালি দিম এইবোৰ

বহুবছৰ আড্ডা দিলোঁ, বহুত বদমাচি কৰিলোঁ আৰু নাই, এতিয়াৰ পৰা পঢ়িম..ফালি দিম এইবাৰ পৰীক্ষা,কিতাপখন হে পঢ়িব লাগে,,ধুই মই যদি পঢ়িলো হয় ইমানদিনে চাগৈ বিদেশত হে চাকৰি কৰি থাকিলো হেঁতেন ।

এইবাৰ দেখাই দিম বাপ্পেকে ,, 

▪️কিন্তু আজিচোন শনিবাৰ 😛

আজি পঢ়িলে আকৌ বেয়াই হ'ব নেকি কথাতো🤔

অহাকালিৰ পৰা পঢ়িম দে,,মোক এনেও বেছি সময় নালাগেই,সোনকালে বুজি পাওঁ,মায়ে টো কৈয়েই থাকে মোৰ মাথা আছে..কালি পঢ়িম ঠিক আছে আজি চিনেমা চাওঁ,,

▪️আজি দেওবাৰ ৰাতিপুৱা ৫ টাত সাৰ পাই উঠি পঢ়িব লৈছোঁ...আৰে আজি চোন বহুত সোনকালে উঠিলো মাত্ৰ ৫ টা বাজিছে,,মায়ে কৈছে পঢ়াতকৈ স্বাস্থ্য বেছি জৰুৰী... আৰু অকন শুইয়ে লওঁ..পঢ়ানো কি আৰু বহুত কম সময়ত মই বুজি পাই যাওঁ,১১ বজাত যেনে তেনে সাৰ পাই উঠি,আহহহ  মাংস ভাত খাব লাগিব... দেওবাৰে ঘৰত সোমাই আমনি লাগে ফুৰি আহো অলপ তাৰ পিছত পঢ়িম.....ৰাতি ভাগৰত পৰি🤣ধেই ইমান ভাগৰত পঢ়িও লাভ নাই স্বাস্থ্য বেছি জৰুৰী আৰু মনতো নাথাকিব ,,শুইয়ে থাকোঁ বাদ দে ঘণ্টা,, কালি পৰা পঢ়িম আৰু ,,এনেও সোমবাৰ টো শুভদিন ।

▪️আজি সোমবাৰ,,অ' আজি চোন মোৰ কলেজ আছে,,বাদ দে নাজাও । এদিন নগ'লে নো কি দাল হ'ব,,ঘৰতে পঢ়ি থাকিম আজি 😁বাপেক্কে,,,এইবাৰ এনেও পৰীক্ষা ফালি দিম ।

অলপ সময় পিছত......দিনত পঢ়িলে মনত নাথাকে মানে আচলতে মোৰ😛ৰাতিয়ে পঢ়িম নেকি, মনত থাকিব ,,,আচ্ছা নহ'লে এটা কাম কৰিম আজি দিনটো শুই লও ,,,উঠি গোটেই ৰাতি পঢ়িম .....ৰাতি ৪ টা Lesson খটম মুঠতে...ফালি দিম এইবাৰ ।

▪️ ৰাতি উঠি...আওও ইমান মজা লাগিল আজি বঢ়িয়া টোপনি গ'ল,,আজি‌ নহ'লে এটা কাম কৰোঁ ইউটিউবত South indian চিনেমা এখনকে চাওঁ...সময়খিনিও পাৰ হ'ব...কালি এটা কাম কৰিম,,কলেজৰ পৰা আহি গোটেইখিনি একেলগে পঢ়িম...আধা আধা পঢ়ি ভাল নালাগে ধেই😀😀 একেবাৰে গোটেইখিনি শেষ কৰি দিব পাৰিলে ভাল লাগে আৰু 😛............

এনেদৰে ভাবি ভাবিয়েই সময় গ'ল,,,পৰীক্ষা ৰুটিন দিলে,,

অহা আমুক তাৰিখৰ পৰা পৰীক্ষা ......

"অ বে মোৰ চোন একোৱেই পঢ়া নহ'ল"....

এহহহ টেনচন নট🤟🤟

মই সাংঘাটিক বস্তু,,এদিনত ৭ টা Lesson finish কৰি যাম পৰীক্ষাৰ আগত শেষ হৈ যাব,,,,,ঐ ধেৎ তেৰি মোৰ চোন একো Notes য়েই নাই ,,,,,একো নাই I HV A SOLUTION 😂😂😂

"হেল্ল দেউতা পান বজাৰৰ পৰা অমুক তমুক কিতাপ কেইখন লৈ আহিবাচোন,,নহয় মানে পৰীক্ষা বাবে অলপ বেছিকৈ পঢ়িব লাগিব"...

কিতাপ আহি পালে,,, পৃষ্ঠা ৫৬০ টা,,,😞😞😞

কলেজৰ ২০০ পৃষ্ঠাৰ কিতাপখনৰ ৫৬০ পৃষ্ঠা সমাধান যে,,ক'ৰ পৰা আৰম্ভ কৰোঁ এতিয়া,,,,ধেই চাল্লা মই আগতেই কৈছিলো পঢ় পঢ় নপহিলি,,,, বাৰু টেনচন নাই মেনেজ কৰি দিম....Total chapter 16 ...Total কেইদিন আছে 4 দিন,,,🕺🕺আবে এতিয়াও বহুত সময় আছে চোন ধেই মিছা মিছি টেনচন ল'লো..এদিনত 4 টাকৈ chapter শেষ কৰি যাম,,,মুঠতে এইবাৰ পৰীক্ষা জুই হ'ব জুই,,,,,, এনেদৰেই দিনবোৰ আজি পৰ্যন্ত...... কিন্তু সেই জুই পৰীক্ষা ভাগ আজিলৈকে নহ'ল গৈ,,, আৰু সেই কিতাপ কিনি পঢ়া দিনটোও আজি লৈ নাহিল,,, কিন্তু Time Management এতিয়াও অব্যাহত,,,চলিয়েই আছে ।

আশাকৰোঁ প্ৰত্যেকগৰাকী এলেহুৱা,নিথল্লা কলেজীয়া ছাত্ৰ ছাত্ৰীয়ে আজিও এই দিনটোৰ অপেক্ষা কৰি আছে,, পৰীক্ষা ফালি দিম দিম কৈ কিন্তু তেনেদৰেই Degree শেষ হ'বই হ'ল....এইবাৰ Last Sem ফালি দিম কিন্তু ন 😂😂😂😂

কেনেদৰে এটি কবিতাৰ সৃষ্টি হয়_Dipankar Bhagabati

১/ অব্যক্ত কথাবোৰক কাল্পনিক উপলব্ধিৰ মাজেৰে কাগজ কলমৰ দ্বাৰা সজাই তোলা এক শিল্পভাবনাই হ'ল কবিতা , হৃদয়স্পৰ্শী সৰু সৰু ভাললগাবোৰক লৈ আৰু কাল্পনিক চৰিত্ৰৰ মাজত নিজকে সন্ধান কৰিবলৈ গৈ অনুভৱৰ বুকুত ছন্দৰ সমাহাৰে কাগজৰ বুকুত কলমেৰে লিখি ৰখা সেই সৰল শব্দবোৰৰ মাজেৰেই এটি কবিতাৰ সৃষ্টি হয় ।

~Dipankar Bhagabati

২/ সৃষ্টিৰ প্ৰহৰে প্ৰহৰে

নদীৰ লহৰে লহৰে

হৃদয় স্পন্দিত

অনুভৱ,অনুভুতি,অনুৰাগৰে

সৃষ্টি হয় শব্দৰ বুলনি,

শব্দৰ মালা গাঁথি কল্পনাৰ পৃথিবীত

দিওঁ ছতিয়াই-------

হৃদয় অনুৰাগীয়ে লয় আঁকোৱালি

এইয়াই  কবিতাৰ সৃষ্টি।।

~Niva Borah Boruah

৩/ কল্পনা ৰহন সানি

সুখ দুখবোৰ, আবেগ অনুভৱ 

কিছুমান জীয়া ছবি শব্দ অনুপমা

সংগযোগ কৰি কবিতা ৰচনা হয়।

পৃথিৱীৰ সৌন্দৰ্য্য অপৰিসীম। শব্দ বিন্যাসেৰে সজাই সকলো জড় অজড় ওপৰত কবিতা এটা সৃষ্টি। প্ৰেম ভালপোৱা আৰু সকলো ইতিহাসৰ তত্ত্বগধুৰ চিন্তাশীল লেখাৰ মাজেৰে প্ৰকাশ কৰিব বিচৰাটোৱ সপোন ৰঙীন কবিতা ৰচনা। পাঠকৰ মনৰ ভালপোৱা কথাবোৰ ব্যক্ত কৰি মনোগ্ৰাহী কৰি তুলিব পাৰিলে কবিতাই প্ৰাণ পাই।

~Barnali Patgari Gohain

৪/ কবিতা নাজানো কেতিয়া আৰু কেনেকৈ আহিছিল  শীতৰ বুকুৰ পৰানে নদীৰ পৰা।

নে একুৰা জুইৰ পৰা

নাজানো মই।

কিন্তু মোক মাতি নিছিল বাটৰ পৰা যিদিনা তোমালৈ মনত পেলাই গৈ আছিলোঁ হেৰুৱা অতীত বিচাৰি।

য'ত মোৰ নাছিল কোনো সুখ । এতিয়া মোক স্পৰ্শ কৰিছে কবিতাই য'ত ভৰি পৰিছে মোৰ সুখ কেৱল সুখ।।

~Pronoti Gohain

৫/ নিৰলাত  সোৱঁৰা হিয়াৰ আবেগ-অনুভূতি আপোনা আপোনি পাৰ ভাঙি বাগৰি অহা  ঢলেই হ'ল কবিতা ,  কবি হৃদয়ৰ কল্পনা প্ৰতিভাৰ  অভিব্যক্তি আৰু সেই কল্পনাৰ ৰহণেৰে হেঙুল হাইতাল বোলাই চিন্তা আৰু অভিজ্ঞতাৰ শব্দৰ মালাৰে  স্বতন্ত্ৰ ৰূপেৰে ৰূপ লয় এটি কবিতাই ।

~Hiruma Saikia 

৬/ বৰষুণৰ সৰা টোপাল হৈ

মোৰ এই উদং চোতালখনিত

মাথো এবাৰ আহি চুমি

      যাবানে?

তুমি অহাত প্রান পায় উঠিব মোৰ এই শুকান চোতালখনি

        আৰু 

সোৱাৰাই দিব মোক

এই বৰুষুনৰ সৰু সৰু টোপালবোৰে  মাথো 

 প্রেমৰ কবিতা ৰচিবলে।।

~Rim Rajbongshi

৭/ নিসংগতা যেতিয়া সংগী হয় ভাৱনাৰ কোৱাল ঢৌবোৰে মনত বৰকৈ খুন্দিয়াই

অনুভৱৰ শব্দৰ মালিতা বোৰে লানিনিচিঙা হয় ৷হৃদয়ৰ কোহেঁকোহেঁ শব্দবোৰে যেন চিৎকাৰ কৰে কবিতাৰ সৃষ্টি হবলৈ

 এখন বিশাল সৰগ ৰচিবলৈ

অগনন তৰা জিলিকাবলৈ ৷

~padmini Rajbongshi

৮/ কবিৰ হৃদয়ত অনুভূতিৰ পৰিসৰে সীমা অতিক্ৰম কৰি কবিৰ কল্পনা আৰু আবেগৰ ঢলে ভাৱ সম্বলিত হৈ ছন্দোৱদ্ধ ৰীতিত আপোনা আপুনি পাৰ বাগৰি প্ৰকাশ কৰাৰ পৰাই কবিতা সৃষ্টি হয় ৷কবিৰ হৃদয়ত তোলপাৰ লগোৱা অনুভৱে  ভাৱ প্ৰকাশক  শিল্পীত ছন্দৰীতিৰে লয় যতি , ছেদ , ধ্বনি সুষমা সম্বলিত শব্দপুুঞ্জই অৰ্থ  প্ৰকাশ কৰি  পাঠকৰ অন্তৰ জয়  কৰিব পাৰে ৷এয়াই কবিতা ৷

~Ranu Bordoloi

৯/ জীৱনৰ হাঁহি,  কান্দোন,  ভাললগা , বেয়া  লগাবোৰ থুপ খুৱাই  হৃদয়ৰ  সচাঁ  অনুভূতি  বোৰ  কলমৰ আগেৰে নিগৰি আহি সৃষ্টি  হোৱা  শব্দৰ  মালাধাৰিয়েই  হ'ল ---কবিতা  

য'ত কল্পনাৰ  ৰহণবোৰ  লগ  হৈ সোণত সুৱগা চৰায় । এয়াই হ'ল  কবিতা ।

~Rubi Devi

সুখৰ সংজ্ঞা কি ?

📌 সুখ হ'ল নিজৰ অন্তৰৰ এখন ফুলনি। প্ৰতিখন অন্তৰে বিচৰা অনুভৱ,অনুভুতি আৰু অনুৰাগবোৰ হ'ল একো একোজোপা ফুলৰ গছ। এজোপা ফুলগছক যেনেদৰে আমি আপদাল কৰি সজিৱ কৰি ৰাখো ঠিক আমাৰ মনৰ অনুভৱ অনুভুতিআৰু অনুৰাগক যদি আমি নিজেই মৰ্যাদা দিওঁ সুখ আহি  আপোনাৰ অন্তৰত নিজে থিতাপি ল'ব। সেয়ে সুখ বিচাৰি ফুৰা বস্তু নহয়। সুখ হ'ল মনৰ অনুভৱ,অনুভুতি। 

#Niva_Borah_Boruah

📌 পাখি মেলি উৰিব বিচাৰোঁ আমি  মুকলি মনে,আকাশৰ বুকুত নিশা তৰা গণো, শৈশৱ, কৈশোৰত বিভিন্ন উৎস সন্ধান কৰোঁ কিয় কাৰণ আমি সুখী হ'ব বিচাৰোঁ,,সময় সাপেক্ষে আমাৰ বাবে সুখৰ সংজ্ঞাবোৰো বেলেগ বেলেগ,কল্পনাৰ সাগৰত সপোন ৰচোঁ, প্ৰত্যেকদিনাই নতুন সপোন নতুন আশা ,, কেতিয়াবা যদি নিৰাশা আৰু কেতিয়াবা আশাৰ ৰেঙনী, আচলতে আমি সকলো কাম কৰাৰ আৰঁত এটাই লক্ষ্য নিহিত হৈ থাকে,, আমি সুখী হ'বলৈ বিচাৰোঁ.. ইয়াৰ কোনো সংজ্ঞা নাই এক জীৱন্ত অনুভৱ,,যি আছে যি পাইছোঁ তাতেই যদি আমি সন্তুষ্ট হ'ব পাৰিছোঁ তেতিয়াই আমি সুখী,,আচলতে সুখী হ'বলৈ আমাক বিভিন্ন উপাদানৰ,কাৰণৰ প্ৰয়োজন নাই লাগে মাথোঁ উপলব্ধি, অনুভৱী মন এটা,, মনটোক যদি আমি বুজাব পাৰোঁ ,আমি সৰু সৰু বস্তুতেই সুখী হ'ব পাৰিম ,,,ই এক হৃদয়ৰ অনুভৱ কিম্বা অনুভূতি যাক সংজ্ঞাৰে বুজোৱাটো কঠিন ।

#দিপাংকৰ_ভাগৱতী

📌 সুখ--সুখ বিচাৰিব জানিলে নিজৰ মাজতেই পায় ,আৰু বিচাৰিব নেজানিলে গোটেই পৃথিৱী চলাথ কৰিলেও বিচাৰি নেপায় ৷মানুহৰ জীৱনত দুখৰ মাজতেই লুকাই থাকে সুখৰ অনুভূতি ৷ সুখ/ দুখৰ  ওজন যদি জোখা হয় তেনেহলে দুখৰ ওজন সদায় বেছি ৷

সুখ মানে হল জীৱনৰ সন্তুষ্টি৷ যিজনে নিজৰ দৈনন্দিন জীৱনক লৈ আত্মসন্তুষ্টি তেওঁ সচাকৈয়ে সুখী ৷যিজন ইয়াৰ বৈপৰীত্য প্ৰকাশ কৰে সেইজন অসুখী ৷সুখৰ সংজ্ঞা বিভিন্ন জনৰ বাবে বিভিন্ন ধৰনে  প্ৰকাশ হয় ৷এজন  ধনীমানুহে বিলাসিতাৰ জীৱনত সুখ বিচাৰি পায় আনহাতে এজন ভিক্ষাৰীৰ বাবে এসাজ ভাত খোৱাতোৱেই সুখৰ কাৰণ হব পাৰে ৷সেয়ে সুখ বিচৰাতো মৰুভুমিত মৰিচীকা বিচৰাৰ দৰে ৷

#Ranu_Bordoloi

📌 সুখৰ সংজ্ঞা বিচাৰি দিহিঙে দিপাঙে

ঘূৰিলো ,কেতিয়াও সাগৰৰ পাৰত ,কেতিয়াবা অস্তমিত সুৰুজৰ বুকুত ,কেতিয়াবা জনসমুদ্ৰৰ মাজত .....অৱশেষত বুজিলো সুখ আমাৰ জীৱনৰ প্ৰতিটো খোজতই, ৰঙ পৰিলেই হয় ৰঙচুৱা।সুখ আমাৰ মনৰ উপলব্ধি যিয়েই মনৰ সন্তুষ্টি আনিব পাৰে ,সুখ আমাৰ হাতৰ মুঠিত।আনৰ লগত নিজকে তুলনা নকৰি নিজৰ কৰ্ম কৰি যোৱা,তাৰ ফল আশা নকৰিবা- যিয়ে দিব পাৰে অনাবিল সুখৰ বতাহ জাক ।।

         

#Hiruma_Saikia

📌  সুখ মানুহৰ জীৱনৰ এক অবিচ্ছেদ্য অংশ ৷সুখ জীৱনৰ এক গতিশীল অৱস্থা৷যি সময়ৰ প্ৰয়োজন আৰু দাবী,মানুহৰ জীৱনৰ বিভিন্ন অৱস্থা আৰু সমস্যা অনুসৰি পৰিৱৰ্তিত হ’ব পাৰে ৷সুখ ব্যক্তিৰ কল্পনা প্ৰসূত চিন্তাৰ পৰা উদ্ভুত ৷সুখে মানুহৰ জীৱনত আনন্দৰ খোৰাক জন্মায় ৷সুখৰ অবিহনে দুখ, দুখৰ অৱিহনে সুখ উপলব্ধি কৰাটো সম্ভৱ নহয়। সুখে দুখৰ দুখে সুখৰ উপলব্ধি কৰায় আৰু উমান দিয়ে ৷সুখ মানুহৰ জীয়াই থকাৰ প্ৰেৰণা ৷ই মানুহক আনন্দদায়ক কৰি তোলে ৷সুখৰ অভাৱত মানুহ হতাশ হৈ হিতাহিত জ্ঞান হেৰুৱাই পেলাই ৷জীৱনটো সুখ দুখৰ সংমিশ্ৰণ। আমাৰ মৃত্যুৰ সময়ত সুখ দুখৰ সৈতে জীৱন প্ৰক্ৰিয়াৰ গতিও স্তব্ধ হৈ পৰে ৷

#Ranjuma_Rahman

📌 জীবনত সুখৰ সংজ্ঞা হিচাপ কৰি আজিলৈকে থমকি হে ৰলো কেবল! 

পাখি ভঙা চৰাইৰ নিচিনা মোৰ সুখৰ জীবন, 

আজিলৈ ২৮ বছৰ পাৰ কৰিলো জীবনৰ  সুখৰ বাট বিচাৰি, 

কত আ বিচাৰি এ নাপাও, ক্ৰমশঃ মই আজি ভাগৰি পৰিছো, 

চৌপাশ মাথো কেৱল অন্ধকাৰ

 আছে নে কি বাৰু কাৰোবাৰ 

  ওচৰত 

জীৱনৰ সুখৰ সংজ্ঞাৰ প্রকৃত হিচাপ ।

                  

#Rim_Rajbongshi

📌 সুখ প্ৰত্যেক মানুহৰ হাতৰ মুঠিতে থাকে। যিখিনি পোৱা যায় তাতেই সন্তুষ্টি লাভ কৰিব পাৰিলে সুখী হব পাৰি। সীমাহীন আশা আকাঙ্ক্ষা ৰ পিছত দৌৰি থাকিলে সুখ উপলব্ধি কৰিব পৰা নেযায়। অৱশ্যে প্ৰত্যেক ৰে কাৰণে সুখৰ সংজ্ঞা বেলেগ বেলেগ। অধ্যয়ণশীল মানুহে অধ্যয়ন কৰি সুখ অনুভব কৰে। অতি ধনী ব্যক্তি সকলে ধন-দৌলত টকা পইচাৰ পিছত ঘুৰিয়ে সুখ অনুভব কৰে। দুখীয়া দৰিদ্ৰ সকলে ভালকৈ এসাজ খাব পালেসুখ অনুভব কৰে। সুখ দুঃখ তুলনামূলক দুখ নাথাকিলে সুখৰ অনুভুতি নহয়। প্ৰকৃত মানৱ ধৰ্ম পালন কৰি মানৱীয় গুণৰ অধিকাৰী হৈ সমাজত বা দেশৰ কাৰণে কিছু ত্যাগ স্বীকাৰ কৰিব পাৰিলে সুখী হব পাৰি।

#Kalyani_Devi

📌  সুখবোৰ হৈছে স্বৰ্গীয়! কোৱা শুনিছোঁ বিচাৰিব জানিলে বোলে সকলোতে সুখ, নাজানিলে বোলে সকলোতে দুখ। যি কি নহওঁক, পৃথিৱীৰ সকলো মায়াৰে উৰ্দ্ধত সুখ। ধৰি ৰাখিব নোৱাৰি, হাঁহি হৈ নিগৰি যায়... আৰু যেতিয়া এই স্বৰ্গীয় অনুভূতিবোৰ অধিক হৈ যায়, তেতিয়া মানুহৰ লোভ-মোহ-ক্ৰোধ-মায়াৰ পাশেৰে বন্দী সীমিত শৰীৰটোৰ বাবে ই হৈ পৰে অপ্রকাশ্য,অসহনীয়। আৰু হয়তো তেতিয়াই ই চকুলোৰ সহায় লয়। চকুলোৰ লগত চকুৰ পৰা পৰা তৰাটো হৈ বৈ আহে! যাক কেৱল দেখিলেহে অনুভৱ কৰিব পাৰি, ভাষাৰে বৰ্ণাব নোৱাৰি! হয়তো এইয়াই হয়তো সুখ, স্বৰ্গীয় সুখ!

#Sukanya_Bora

📌 এক কথাত কবলৈ গ'লে ,আত্ম সন্তুষ্টিতেই সুখ অনুভৱ কৰিব পাৰি । কাৰোবাক উপকাৰ কৰিবৰ সামৰ্থ্য নাথাকিলেও অপকাৰ নকৰাকৈ থাকিলে মন ফৰকাল হয় , তেনেকৈ সুখানুভৱ হয় । আনৰ দোষ বাদ দি গুণ বোৰ চাব জানিলে ও সুখ নিজে নিজে ওচৰ চাপে । পাৰ্থিৱ সুখতকৈ আত্মিক সুখহে প্ৰকৃত সুখ ,ধনে জনে উভৈনদী লোক এজনৰ তুলনাত ফটা ছিটা  কাপোৰ পিন্ধা দুখীয়া লোকজনো সুখী হ'ব পাৰে , যদিহে তেওঁৰ অন্তৰত কলুষতা নাথাকে । 

       নিজে ভাল পোৱা কাম কৰি, লগতে সমাজৰ  উন্নতিৰ হকে কাম কৰিব পাৰিলে সুখে এৰা নিদিয়ে ।

        আনক হহুৱাই নিজেও হাঁহি থাকিব পৰা জনৰ সুখ উপচি পৰে ।

#Pramila_chakravarty

📌 প্ৰকৃত সুখী মানুহ যিজন

নিজৰ সুখৰ মহিমাৰে

সমাজৰ উপকাৰ কৰে সাধন।

হ'ব পাৰে সুখৰ সংজ্ঞা

যশ খ্যাতি ঐশ্বয্য বিভুতি

কাম্যবস্ত বিচৰামতে পোৱা।

তথাপিও ভাবো মই

সুন্দৰৰ মহত্বতাৰ বিচিত্ৰতাই

আকৰ্ষনীয় কৰি তুলিব পাৰে

জীৱনক নতুনকৈ সজাই পৰাই।

নিজেই নিজক যেতিয়া পাব ভাল

তেতিয়াও সুখী হ'য়,

উৎসাহ উদ্দীপনাৰে মন।

নানা সমস্যাই জীৱনক

ধৰে যদি আগভেটি

সন্মান সুচকতাৰে কৰিব পাৰে যিয়ে

হাঁহিমুখে আনৰ দোষ গুণ মোচন

সেইবোৰে হ'য় সুখৰ সংজ্ঞাৰ উপদান।

#Binta_Bordoloi

📌 সুখৰ সংজ্ঞা  সকলোৰে বাবে বেলেগ বেলেগ। তিনিকুৰি বছৰীয়া জীৱনৰ অভিজ্ঞতাৰ পৰা শিকিছো সময় ভেদে বয়স  ভেদে পৰিস্থিতি ভেদে মানুহৰ সুখৰ সংজ্ঞা সলনি হয়।মাক-দেউতাকে নিজৰ সন্তানৰ  সুখেই নিজৰ সুখ বুলি ভাবে এটা সময়ত।  এটা কথা ঠিক যে সন্তুষ্টিয়ে সুখ। সততা আৰু নিষ্ঠাৰে নিজৰ কৰ্তব্য কৰি যাব লাগিব। ভগৱানে যিখিনি দিছে তাকে লৈ আৰু তাৰ মাজৰ পৰাই সুখৰ উৎস বিচাৰি আত্ম সন্তুষ্টি লাভ কৰিব পাৰিলেই সুখত থাকিব পাৰি।সকলোতকৈ সুখৰ উৎস হ'ল পৰোপকাৰ। আনৰ বাবে কিবা অলপ কৰিব পাৰিলে এক বিমল আনন্দ পোৱা যায়।

#Lily_Goswami_Devi